Երեկ ես տարված էի իմ հաջողությամբ։ Ես երիտասարդ էի, սիրունադեմ, ամբիցիոզ, հաջողակ ու շրջապատված ուշադրությամբ։ Ինձ ուրախացնում էին ինստագրամի սրտիկները ու ֆեյսբուքի լայքերը, կենտրոնում գտած լավ կայանատեղին, որը դեռ անվճար էր։ Ես վազում էի մի գործից մյուսը, մի նախագծից մյուսը, մի երկրից մյուսը, մի սիրահարվածությունից մյուսը։ Ես ուրախանում էի ամսվա վերջում հաշվին մնացած գումարից, Կասկադի սիրելի սրճարանում թանկ սուրճից, ընկերուհիների հետ հանդիպումներից։ Երեկ ես սպասում էի այսօրվան։
